Laudes - Hymnus
15 September, 2020
Hymnus
1. Summæ Déus cleméntiæ,
Séptem dolóres Vírginis
Plagásque Jésu Fílii
Fac ríte nos revólvere.
2. Nóbis salútem cónferant
Deíparæ tot lácrimæ,
Quibus laváre súfficis
Totíus órbis crímina.
3. Sit quínque Jésu vúlnerum
Amára contemplátio,
Sint et dolóres Vírginis
Ætérna cúnctis gáudia.
4. Glória tibi Dómine,
Qui pássus es pro sérvulis,
Cum Pátre et Sancto Spíritu
In sempitérna sǽcula.
Amen.

No translation for this language.

15 September - Laudes - Hymnus