Matutinum - Hymnus
15 September, 2020
Hymnus
1. O quot úndis lácrimárum,
Quo dolóre vólvitur,
Luctuósa de cruénto
Dum revúlsum stípite,
Cérnit úlnis incubántem
Vírgo Máter Fílium:
2. Os suáve, mite péctus,
Et látus dulcíssimum,
Dexterámque vulnerátam,
Et sinístram sáuciam,
Et rúbbras cruóre plántas,
Ægra tíngit lácrimis.
3. Centiésque milliésque
Stríngit árctis néxibus
Péctus íllud et lacértos,
Illa fígit vúlnera:
Sícque tóta colliquéscit
In dolóris ósculis.
4. Eia Máter, obsecrámus
Per túas has lácrimas,
Filiíque tríste fúnus,
Vulnerúmque púrpuram,
Hunc túi córdis dolórem
Cónde nóstris córdibus.
5. Esto Pátri Filióque,
Et coǽvo Flámini,
Esto súmmæ Trinitáti
Sempitérna glória,
Et perénnis laus honórque,
Hoc et ómni sǽculo.
Amen.

No translation for this language.

15 September - Matutinum - Hymnus